«Минем кызымның үлемендә хәзер гаепләнүчеләр эскәмиясендә утыручылар гаепле дип саныйм. Алар ваемсызлыкта һәм җансызлыкта гаепле. Мин алар өчен иң каты җәза теләр идем», — дип сөйләде ул.

Анастасия Закамская сүзләренчә, фаҗигагә кадәр алар СНТ территориясендә этләрне ашатучы кешеләр белән сөйләшеп, моны туктатырга тырышкан. Әмма бу мәсьәлә хәл ителмәгән.

Кызның әнисе шулай ук фаҗигадән соң аның икенче, җиде яшьлек кызының этләрдән бик нык курка башлавын әйтте. Ул хәтта йорт һәм таныш этләрдән дә курка икән. «Ул инде олы яшьтә һәм барысын да аңлый», — дип билгеләде Анастасия Закамская.